阿 Paul雙囍臨門

阿 Paul雙囍臨門，不過唔關朱茵事喎！咁奇？

嗱，第一喜，梗係關家強事啦，好兄弟復合，演唱會爆棚兼好評如潮，真係飲得杯落。至於第二喜，就關佢隻狗事。上周六（ 8月 1日），有讀者見到阿 Paul帶埋佢隻寶貝西藏獒犬參加機場博覽館舉行嘅寵物大賽。讀者報料話：阿 Paul隻狗已經係第 4次參賽，可惜過去 3屆都係輸俾同一隻狗。今屆嗰隻死敵冇參賽，阿 Paul隻狗贏面甚高！喺出賽前，阿 Paul仲緊張過自己開騷，有 fans叫佢影相，佢 cool到爆唔睬。直至佢隻狗順利勝出，阿 Paul就開心過自己結婚，笑晒口接受 fans祝賀，簽名影相握手統統冇問題。

愛犬勝出，阿 Paul終於有番啲笑容，仲周圍撩人傾偈，又用毛巾幫愛犬撥涼，心情大靚。西藏獒犬係國寶之一，好勇鬥狠，要幾十萬一隻。邊個話阿 Paul冇錢！

阿 Paul當日一早進場準備，愛犬出場比賽，阿 Paul連 fans都唔理，企喺場邊全神貫注睇到實。