三缺一：阿Paul家強雙飛 ‧ 世榮蒙古做騷爭氣
一度公開唔妥的 Beyond成員黃家強及黃貫中（ Paul），上週五（七月廿四日）在紅館舉行三場「 This is Rock n Roll」「復合」演唱會。開騷首晚，二人口口聲聲話如果世榮踩場，一定拉他上台一齊玩，又指對方鍾意搞驚喜，暗示世榮隨時會現身。
純粹齋噏，世榮原來一早由北京轉飛蒙古，為同期（上週五）開始一連三日的蒙古草原音樂節做壓軸嘉賓，八月初才會返港為「動漫節」演出。
大飛頂世榮
去年阿 Paul與世榮在北京舉行「 Beyond雙傑演唱會」，引起家強不滿，更觸發與阿 Paul兄弟不和，展開罵戰。以為關係無彎轉，原來二人今年初已擺埋和頭酒，計劃在紅館開騷合作銀。
Beyond 再開騷，二人卻沒有預當日幫口化解誤會的鼓手葉世榮，阿 Paul及家強在台上說：「其實一直都有人搵我哋組番 Beyond開騷，咁啱世榮個期有嘢做，無論以 Beyond、阿 Paul同世榮或個人形式，我哋都做過，今次阿 Paul加家強，可能又有新火花。」
首晚演出後，對沒有世榮同台演出，二人齊聲說：「咪係冇咗世榮嘅嘢囉！」冇咗世榮，演唱會搵來大飛（前 LMF鼓手陳匡榮 Davy）幫手。
是但噏
不過，家強、阿 Paul似乎不清楚世榮其實身在蒙古做騷，當晚還說：「如果佢得閒會嚟，佢（世榮）好有心，送咗好大個花籃，如果佢喺台下，一定會拉佢上嚟玩。佢一向鍾意俾驚喜我哋。」
事實上，一直身在內地的世榮於上週四（廿三日）已由北京飛到蒙古，出席一連三日的「綠色旗幟草原音樂節」，之後再折返北京，為八月推出的新碟《慈悲》宣傳。
北京出碟
「其實呢個音樂會（草原音樂節）好早傾好，有好多內地不同樂隊、歌手好似陳小春都有份演出。加上安排咗嘅唱片宣傳，啲期唔郁得。好了解歌迷好想我哋一齊玩，但要重組 Beyond，出新碟、宣傳、巡迴，起碼要一年時間，但呢一年已排咗自己出碟，歌迷會支持我哋各自發展。」在北京接受長途電話訪問的世榮，對被飛出今次演唱會，撐得就撐。
香港 阿 Paul與家強開騷，嚟緊仲要巡迴演出，通通無世榮份，世榮話無唔開心，仲派助手代他睇騷，並說返港後會約二人飲茶慢慢傾。
又衰咗
尾場唱至最後一曲《光輝歲月》，家強阿 Paul起哄要求保安讓觀眾企上前， high爆的阿 Paul遞 mic stand給觀眾合唱。
我棚牙好勁㗎！（設計對白） Eason從廣州趕返香港，為 Beyond做嘉賓，玩到㷫的他 high到要用牙刨結他。
五月天 full band做嘉賓，反應熱烈，五位成員獲家強及阿 Paul一人送一套演唱會 T恤、環保袋及拖鞋等紀念品。
家強送紀念品給歌迷，一度引起混亂。
蒙古 在內蒙古的呼和浩特，為「草原音樂節」做壓軸嘉賓，世榮唱出《海闊天空》、《光輝歲月》及《 Amani》等歌曲，現場萬多觀眾 high爆，氣氛絕對唔輸蝕得過家強阿 Paul的紅館騷。
在後台與穿上蒙古民族服裝的工作人員合照。
買了保護聽筒給兒子黃慶陽，家強嫂教他擺 Beyond招牌和平手勢，家強在台上以英語「 thank you to my wife! I love you!」冧老婆。
演唱會尾場（廿六日），朱茵（箭嘴）由頭到尾站到台前 fing頭（小圖）跳舞。
豎起中指的阿 Paul（左圖）在慶功宴上唔講又講棒棒堂：「睇佢哋三年後仲喺唔喺度。」嚇得家強指着他說：「你又講錯說話啦。」
趕阿嫂 Beyond歌迷瘋狂，保安嚴陣以待，連家強日籍老婆 Makiko及朱茵也被趕。朱茵立即拿出工作證，做擋箭牌（左下圖）。被趕的 Makiko事後向家強詐型。
fing甩頭
Tags: Beyond, R & R, R&R World Tour tee, RMC×《 This is Rock'n' Roll》, RMC牛仔褲, Rock & Roll, This is Rock n Roll, 本地牛牌王者 RMC, 限定服, 黃家強, 黃貫中
