ankara escort porno izle ankara escort ankara escort ankara escort ankara escort ankara escort ankara escort
Home » Paul Wong 黃貫中

家駒逝世 20周年 一毫子賠償無攞 黃貫中淒涼告白:我捱得好辛苦!

Written By: TOASTIES MONSTER on 六月 6, 2013 No Comment

今年是 Beyond主音黃家駒逝世 20周年, 6月 10日,又是他的生忌,但 Beyond三子未有重組開騷紀念,反而引爆連番罵戰。日前,有 fans在微博質疑家強,揮霍家駒當年參加日本富士電視台遊戲節目,導致意外離世的巨額賠償金。

過去曾有報導,指阿 Paul及世榮同樣獲得電視台賠償,一干人並簽下保密協議,不能向外公布有關金額內容。二十年後的今日,阿 Paul決定開腔還清白:「我一毫子都無攞過,錢買唔到我,要賠就賠番家駒俾我!我有手有腳,自己可以賺錢!……我係用音樂話俾家駒知我好好,但其實我想話,我唔好囉!我捱得好辛苦!」

對於 fans指控家強未有實踐承諾開音樂學校,阿 Paul說:「佢損失咗阿哥,佢屋企都好大損失,啲錢點用係佢自己選擇!」

自認窮 Paul

今年是 Beyond成軍三十周年,家駒逝世二十年,但身為細佬的黃家強,早前卻公開表態:「沒有 Beyond了!」 Beyond三子解體已成事實,家強、阿 Paul兩位昔日 band友更不斷隔空罵戰。

日前有 fans在微博留言,叫家強兌現二十年前承諾,動用家駒的賠償金開辦音樂學校,事後他接受內地傳媒訪問時拋下一句:「家駒留低最好的,就是讓我們三個唔憂柴米!」

一直盛傳九三年家駒參加日本富士電視台遊戲節目,不幸從高台墮下導致腦部重創離世, Beyond三位成員均獲得電視台賠償,更有指家強與家人賠償額接近一億港元。

對於當年的賠償傳聞,阿 Paul首度開腔以正視聽:「我一毫子都無攞過,錢買唔到我,賠就賠番家駒俾我!我有手有腳,自己可以賺錢!我唔會同人借,全部靠我自己搵返嚟!拍電影好,做音樂好,我係男人,邊度跌低咪邊度起番身。」

經常被指窮 Paul,要不斷北上唱騷等錢使!阿 Paul自嘲說:「我係窮,如果窮係好笑嘅,你咪笑,錢係侮辱唔到我!」

我是憤怒

自家駒離世,便多次傳出阿 Paul與家強不和,導火線與朱茵有關,近日二人再展開罵戰,阿 Paul女兒亦被拖落水,為維護妻女,阿 Paul決定唔再忍。

12年 7月 16日
黃貫中完成兩場《 Paul Wong Rockstra》個唱後,炮轟傳媒報導他入座率僅得 7成,以及篇幅太小,矛頭直指某報專欄記者。

12年 7月 17日
有傳媒在 facebook中詛咒阿 Paul未出世女兒:「生咗出嚟先講啦,細路仔好小氣㗎,知道個老豆咁可能唔想出嚟呢,天有眼㗎。」終辣㷫阿 Paul。

12年 7月 18日
阿 Paul在微博反擊,爆粗狂鬧某記者,而一向低調的朱茵亦留言力撐。

13年 4月 3日
家駒逝世 20周年,家強計劃開紀念騷,並接受記者訪問時說:「對不起!沒有 Beyond了!」

13年 5月 24日
有記者上載與家強的合照到微博,家強轉發,阿 Paul狂轟家強跟「毒人」原來是「同一夥」,該記者在微博反指阿 Paul是「廢物」,阿 Paul再回應「 Rocker give you mid finger!」,事後家強留言說:「他永遠是對的,我不申寃,我死不瞑目!」

13年 5月 25日
家強在微博上載一封《給家駒的信》,內容寫到自己「沒有把 Beyond守護好」以及「一廂情願」希望 Beyond再合體,此言一出再次惹怒阿 Paul。

13年 5月 27日
阿 Paul晚上連發三條微博鬧家強:「家強……我有什麼得罪你……你再抹黑我……你的音樂也不會進步。」又指五年前的個唱中,他和世榮只獲安排上台唱兩首歌。

13年 5月 30日
有網友留言批評家強說:「家駒讓你繼續風光你卻令他不斷蒙羞。」更勸籲他實踐承諾,將家駒留給他的錢開音樂學校,阿 Paul即轉發留言暗寸家強,「都係買名車名錶名樓好啲,學校……唉!」

13年 6月 1日
家強接受內地傳媒訪問,被問到粉絲指他揮霍家駒遺產,家強說:「家駒留下最好的東西,就是讓我們三個唔憂柴米。」
依然痛心

提到二十年前家駒在日本出意外,阿 Paul仍然傷痛:「我哋去到警察局,我自己喺心裡面,應承過家駒,一定會追究到底,但最後我明白到最緊要係幫佢父母,爭取到最好嘅賠償先係我嘅目標,如果要追究落去,可能會阻礙到賠償。」
(追究到底,係追究邊方面?)

「你唔覺得每件事都有元兇,呢件事,係無元兇,我人微言輕,日本嗰邊又咁黑暗!嗰時經理人打嚟,話佢屋企人已經得到賠償,問我要唔要索償,要自己出面申請,我話唔要,賠就賠番家駒俾我!」

日前家強接受內地傳媒訪問,表示家駒留低最好的,是讓 Beyond三子唔憂柴米。對此,阿 Paul有另一見解:「咁家駒真係俾咗最好嘅嘢我哋,就係 Beyond個名,俾我哋有好嘅前途!」

對於有粉絲要求家強兌現開辦音樂學校承諾,阿 Paul平靜說:「佢損失咗個阿哥,屋企人都損失好大,啲錢點用佢自己選擇!」

報答家駒

家強會在國際展貿中心開騷紀念家駒,阿 Paul態度冷靜:「無論我去唔去,都祝福佢成功,大家應該擺番個重點喺家駒度!其實佢講一句,阿 Paul你嚟,我即刻到,好似阿榮咁,佢叫我一齊嚟 rock,我一定撐!而唔係同出面講,話我無俾相佢,話我點會俾結他佢,話我點會嚟吖!咁樣傷害我!嗰日我哋係喺銅鑼灣買衫撞到,大家有打招呼,有寒暄幾句,但佢一句開演唱會都無提,仲即刻俾錢走!」

阿 Paul直言,只有做好音樂,才對得住家駒。「唔係乜嘢攞張相我好好,你好好,我只知道用音樂話俾家駒知,我好好!但其實我係想話,我唔好囉!我捱得好辛苦囉!」

至於家強反駁,無收過阿 Paul的結他,他說:「我一支好心愛嘅結他,十幾年前俾佢玩,佢幾年前彈爛咗俾返我!你唔係一定要信晒我!可以問番佢身邊人。」

延續 Beyond精神

除了做好音樂,阿 Paul近年亦不斷出外探訪,本週二便同老婆朱茵,跟隨奧比斯起程去北京。

「○三年開始,我有去尼泊爾、孟加拉做探訪,係想延續 Beyond嘅精神。我唔係天才,家駒先係天才;我應承過家駒,會照顧佢細佬,但我發覺我無咁嘅能力!各有各做啦!(家強話你哋三個音樂理念唔同?)乜嘢音樂理念唔同吖!樂理都唔識,喺電腦篤篤吓!我又講多咗!點都好!我祝福佢!」

再見理想

Beyond各散東西後,三子事業一直未有起色,但家強卻生活富泰,不斷有本事買鋪頭保值。

黃貫中物業
大埔林村村屋連丁地  430萬( 98年) 持有 市值 600萬

葉世榮物業
筲箕灣廣場  273萬( 96年)  160萬( 06年) 蝕 113萬
太古城海景花園  730萬( 04年) 持有 市值 920萬

黃家強物業
西洋菜街鉅成大廈  165萬( 92年) 持有 市值 302萬
窩打老道美佳大廈  530萬( 95年)  760萬( 08年) 賺 230萬
廣播道嘉翠園  220萬( 92年)  268萬( 96年) 賺 48萬
大埔康樂園  731萬( 98年)  1100萬( 06年) 賺 369萬
七寶街志發工業大廈  178萬( 09年) 持有 市值 208萬
何文田常樂園  1165萬( 06年) 持有 市值 1600萬

舊日的足跡

Beyond其實早在 1980年成立,早期成員已經有黃家駒及葉世榮,直到 1983年黃家強加入, Beyond開始成形,黃貫中到 1985年才出任隊中主音結他手。經過多年努力,到 1988年推出歌曲《大地》,令 Beyond一炮而紅。之後再簽約日本經理人公司 Amuse,開拓日本市場。
93年 6月 24日凌晨, Beyond在日本富士電視台拍攝遊戲節目,家駒與其中一名主持在兩米多高的濕滑高台墮下,家駒頭部着地,重傷昏迷,送院搶救 6日,於 6月 30日下午終告不治,終年 31歲。

在家駒離世二十年,阿 Paul首度開腔澄清,無攞過家駒分毫賠償,寧願靠雙手賺錢!

連日來,家強為《好好演唱會》彩排,向家駒致敬。

Beyond四子的快樂時光,今日回看令人唏噓。

92年, Beyond簽約日本 Amuse發展,在日期間,家駒父母到日本探訪兒子。

女兒「叉燒包」已經七個月大,阿 Paul不時上載女兒相片,對住可愛囡囡,阿 Paul熄晒火。

阿 Paul拖實朱茵宣布有喜,面對尖銳問題,阿 Paul一人擋晒。

家強早前與老婆及囝囝,為新歌《好好》拍 MV。

有指阿 Paul與朱茵到泰國蘇梅島旅行被偷拍,是阿 Paul與家強不和的導火線。

低調的朱茵,佗女時足不出戶,生日亦只與阿 Paul在家中切蛋糕。

有家駒年代的 Beyond,發展氣勢如虹,阿 Paul及家強,亦對家駒非常敬重。

Beyond三子再同場,恐怕愈嚟愈難。

09年阿 Paul與家強開騷,當時已經三缺一,世榮無到。

自言靠自己雙手賺錢的阿 Paul,今年就拍了電影《古惑仔:江湖新秩序》。

去年由阿 Paul創作的《年少無知》,獲得不少樂壇獎項。

阿 Paul揚言,家駒是音樂天才,可惜天妒英才, 93年成了 Beyond最傷痛一年。

家強發起,用相片向家駒說「好好」,發哥、王菲齊響應。

大埔林村村屋

太古城海景花園

大埔康樂園

93年家駒在日本富士電視台錄影遊戲節目出事。

VN:F [1.8.6_1065]
0
Rating: 0.0/10 (0 votes cast)
VN:F [1.8.6_1065]
Rating: 0 (from 0 votes)

Popularity: 1% [?]

Digg this!Add to del.icio.us!Stumble this!Add to Techorati!Share on Facebook!Seed Newsvine!Reddit!Add to Yahoo!

Leave a Reply:

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

  Copyright © 2000-2016 香港只有一個二樓後座, All rights reserved.| Powered by BEYONDMUSIC| ZUGARCUBE by CAROLINE MAK