ankara escort porno izle ankara escort ankara escort ankara escort ankara escort ankara escort ankara escort
Home » Beyond

家強阿 Paul酒吧開拖  Beyond反面內情

Written By: TOASTIES MONSTER on 一月 5, 2012 No Comment

文章轉載自香港 “壹週刊 2012年01月05日 第1139期”

年屆四十八歲的葉世榮,去年十二月二十七日再婚,迎娶比自己年輕二十二年的北京嫩模張偉鈴。鼓佬大婚, Beyond另外兩位成員家強和阿 Paul卻未獲通知。其實 Beyond三子心病,早在三年多前種下,當時世榮到內地發展,經常以 Beyond名義在內地開騷,家強直指對方借 Beyond發財,兩人從此無偈傾;至於家強和阿 Paul,○九年飛起世榮在港開騷後,竟為一首歌意見分歧,在酒吧大打出手,儼如《天與地》真實版。夾歌唔夾人,昔日肝膽相照的好兄弟,今日各走各路。


08年,世榮充任和事老,促成阿 Paul、家強復合舉行 Beyond成立廿五周年演唱會,可惜開完騷不久,三子再度反目。

雙黃夾擊

經常傳出不和的家強、阿 Paul,○八年反面互當透明,當時世榮一度充當和事老,想不到時至今日,連鼓佬都加入反面戰陣,加上 Beyond三子個個爭住話事做「一哥」,最終不歡而散。

去年底,世榮由內地經理人發聲明宣布再婚,娶二十六歲北京嫩模張偉鈴,在北京麗駿酒店筵開三十席,新郎哥身邊好友及同事都有被知會,連同世榮「外父」、即○ 二年在家中意外猝死的前度女友 Cynthia父親(世榮在 Cynthia喪禮上舉行冥婚儀式),亦有被邀見證重要時刻。相反,跟世榮組成 Beyond踏入第二十九年的家強和阿 Paul,卻全不知情。雖然二人接受傳媒訪問時,仍然死撐恭喜世榮,但家強卻語帶不悅說:「我覺得好核突,結婚都唔講聲!」阿 Paul亦加把嘴:「可能佢驚請我哋要出埋機票!」

事實上,三人早有心病,已多年沒聯絡。據了解,三年多前世榮開始返內地發展,經常以 Beyond名義在內地開騷,引發其餘兩子不滿,家強更大鬧世榮借樂隊賺錢佗衰 Beyond。

「其實阿榮返內地唱騷都有問過阿 Paul同家強,係佢哋話無興趣,阿榮先單飛。其實每次喺內地做騷,阿榮都有同主辦單位講明,自己個名行先, Beyond個名一定要細啲,有時對方唔合作,專登做大 Beyond個名,阿榮都控制唔到!」世榮身邊好友說。

有錢唔憂做

有指對世榮最不滿的家強,去年不約而同在家駒生忌(六月十日)前往拜祭,點知撞到正,兩個互當透明未有交談。

「嗰時佢哋鬧世榮啲說話真係好難聽,但其實阿 Paul、家強而家都有用 Beyond個名去內地做騷,咪一樣有唱 Beyond嘅歌!其實大家各有各做,應該互相體諒。家強本身有錢,唔使點做都仲得;阿榮手停口停,咁多年嚟,佢喺哈爾濱、烏魯木齊、新疆、蒙古啲咁遠嘅地方搵食,其實一啲都唔易。」世榮身邊好友說。

事實上,近年工作量無幾多的家強,因為身家夠厚,根本無經濟壓力。除現居過千萬的何文田山道物業,還有多個旺角廠廈,在時代廣場亦有寫字樓單位收租。

「九三年,家駒喺日本富士電視台發生意外致死,嗰邊賠咗幾千萬俾家強同佢屋企人,家強以屋企人名義投資,收租都好襟計!」知情者說。

大打出手

同鼓佬唔啱 key,○九年七月,家強決定同阿 Paul「復合」開騷,飛起世榮。

「佢哋兩個搞雙星 Rock n Roll Live,咪一樣唱 Beyond啲歌,根本唔應該咁執着,嗰時佢哋話就話有聯絡過阿榮,其實只係叫助手打電話,佢兩個都無出面!」

目標一致(踢走世榮),以為可以安然無恙,點知開完 Rock n Roll騷,二人竟因為合作出碟問題,為一首歌出現意見分歧,在尖沙咀一間酒吧郁手。

「家強仲嬲到攞起張櫈掟落阿 Paul度,推推撞撞打爛咗好多嘢,阿 Paul又學過泰拳,好彩有朋友拉走大家先無受傷,不過就反晒面!」知情者說。

Beyond由地下窮 band,以至成為 band界一哥,多年友情全靠家駒維繫,但自從失去靈魂人物,家強阿 Paul經常因音樂路向各異而鬧交,又試過為阿 Paul女友朱茵反面,昔日好兄弟情不再,明年歌迷想 Beyond為三十周年開騷,難!


在內地不停演唱的葉世榮,平安夜單飛在濟南舉行海闊天空有一說一搖滾騷。


去年十二月廿七日,葉世榮在北京娶老婆,即使筵開三十席,都未有預兩位 Beyond兄弟家強及阿 Paul,友情不再。


家強、阿 Paul,早於 03年,已試過因朱茵反目。


Beyond四子雖曾被形容為憤怒 Band友,但家駒在生時,四人相處和陸,據知阿 Paul和家強最尊重家駒這個大佬。


上年十二月廿八日,家強與太太帶住五歲兒子到海港城 City Super入貨,買了成籃食物。


近期無乜工作的家強,專心陪大肚老婆(箭嘴)安胎。


阿 Paul單飛發展成績唔錯,今年更在商台叱咤頒獎禮獲獎。


09年,家強和阿 Paul「復合」開騷卻飛起世榮,但二人開完香港騷,只做了海外一場巡迴騷,便反面收場。

恩怨情仇 29年

83年黃家駒、葉世榮與其他成員組成 Beyond,參加結他比賽得冠軍,以玩票性質夾 band,直至 83年黃家強加入, Beyond正式成形,亦在 85年自資搞「永遠等待演唱會」及出碟,同年阿 Paul黃貫中才加入。


87年當時 Beyond有五位成員,除家駒、家強、阿 Paul、世榮,還有劉志遠, 87年推出首張 EP《永遠等待》,正式踏入主流樂壇。 88年劉志遠退出,四人 Beyond簽約新藝寶,作品《喜歡你》、《大地》大受歡迎。


89年推出大碟《真的愛你》及《 Beyond IV》,以及 90年專輯《命運派對》,共獲五白金銷量( 25萬張),先後在新伊館及紅館舉行十多場演唱會,其後更到台灣、馬來西亞等海外市場發展,是 Beyond的光輝時期。

92年簽約日本經理人公司 Amuse到日本發展。
93年 Beyond推出在日本製作的新碟《樂與怒》,同年 6月,於日本東京富士電視台錄影遊戲節目時,主音黃家駒從高台墮下,數天後逝世,終年 31歲, Beyond三子受到重大打擊。
94年三人陣容的 Beyond簽約滾石唱片,灌錄新碟《二樓後座》,同時推出國語及日語碟,與 Amuse結束合約後,跟前經理人 Leslie打官司,最後成立 Beyond Publishing取回歌曲版權。
96年三子在紅館舉行自家駒去世後的首次演唱會,三子憶起好兄弟淚流披面。
99年三子宣布推出《 Goodtime》及暫別演唱會,樂隊暫時解散。據知是阿 Paul主動要求散 band作個人發展。
01年阿 Paul及世榮先後推出個人專輯,家強則在 02年單飛出碟,同年年尾阿 Paul舉行個人演唱會,兩位兄弟任嘉賓。
03年慶祝樂隊成立 20周年,三子舉行「 Beyond超越 Beyond」演唱會,推出家駒遺作《抗戰二十年》,舉行世界巡迴演唱,創作《無間道 II》主題曲《長空》。
05年舉行完《 Beyond the Story Live》巡迴演唱會後正式解散,其後,阿 Paul與家強不時隔空罵戰,最後一場馬來西亞巡迴個唱,更因二人不和而取消。
06年黃家強娶日籍妻子 Makiko,在馬會俱樂部擺酒,阿 Paul以在北京工作為由,缺席家強婚宴。
07年年中家強升任父親,阿 Paul未有致電恭賀,出席「大中華冠軍樂隊決賽」,二人左閃右避互當透明。
08年為賺錢「復合」舉行 Beyond成立廿五周年演唱會,有指世榮一直是雙黃的和事老。
09年世榮往內地發展,以 Beyond名義開騷,令家強及阿 Paul不滿。同年 7月,阿 Paul家強舉行三場「 Rock n Roll Live」,世榮冇份。


11年三子作個人發展,阿 Paul推出新碟,並為電視劇《天與地》創作主題曲及插曲,而家強則約滿藝能,世榮宣布 12月 27日再婚。

富貴 band友

事業冇起色的黃家強,原來禾稈冚珍珠,一直靠炒賣物業賺錢,現時手上仍持有多個物業及工廈單位,加埋之前賣出的單位,賬面賺過千萬。

VN:F [1.8.6_1065]
0
Rating: 0.0/10 (0 votes cast)
VN:F [1.8.6_1065]
Rating: 0 (from 0 votes)

Popularity: 10% [?]

Digg this!Add to del.icio.us!Stumble this!Add to Techorati!Share on Facebook!Seed Newsvine!Reddit!Add to Yahoo!

Leave a Reply:

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

  Copyright © 2000-2016 香港只有一個二樓後座, All rights reserved.| Powered by BEYONDMUSIC| ZUGARCUBE by CAROLINE MAK