ankara escort porno izle ankara escort ankara escort ankara escort ankara escort ankara escort ankara escort
Home » Wong Ka Keung 黃家強

Band sound接力明示暗諷 ‧ 這些歌手要唱出真相

Written By: Caroline on 五月 27, 2009 No Comment

27aa1p1a抑鬱於天空的火燄下,大地靜默無說話。八九民運期間,香港演藝界總動員義演,樂壇一首又一首或激憤或悲傷或明示或暗諷的六四歌曲,卻在回歸後趨於沉寂。當年曾經參與其中的,今日未曾平息怒火的,兩代音樂人,分享六四心情。記者:張嘉雯

那道疤痕, 20年後,依然留在地殼頭上,依然留在 Beyond成員黃家強心中;曾經看過血腥鎮壓片段,曾經在街頭流淚,疤痕至今無法磨滅。一首《長城》,唱盡了無法伸張的真相,今時今日,家強希望國家領導人就算不平反六四,也應讓流亡人士回國,讓難屬公開悼念。

屠城那夜,家強跟 Beyond其他成員正在電視台做節目,看到新聞片段,單車、坦克車在廣場上來來回回,「個心好難受,好想喊,覺得無法忍受。」翌日醒來,他們推掉手頭上的工作去遊行,「嗰一刻動力好犀利,記得淚水同雨水混埋一齊,點解政府咁樣對待人民?佢哋只係示威同抗議。」

家強:欣賞王丹長期抗爭

「當時學生要求社會有民主可能速度太快,但要處理件事仲有好多方法,唔係要塗炭生靈。」家強認為,學生可能激進,但政府沒有回應學生的訴求,反而用鎮壓手段,不合理,最後造成傷亡,政府要負很大責任,「用啲咁殘忍嘅手段,好難想像,大家都係中國人,又唔係內戰,啲平民又無槍無彈。」

「王丹佢有乜做錯呢?佢當年一個大學生,覺得民主對社會係好,唔係話搶你個主席位嚟做,做乜要咁對佢哋呢?」眾多學運領袖中,家強最欣賞王丹,「現實係經過咁長時間,王丹仍然為民主,為中國人做好嘢,令人好鼓舞。佢成日仲有寫文章,我都有睇,長時間嘅抗爭令人好攰,佢嗰種力量唔係咁多人做到,我會支持佢。」

他又敬佩趙紫陽,「佢當年幫啲學生,好明白啲學生,我覺得佢係啱,做咗好正確嘅決定。」
Beyond 的歌曲向來批判。家強直言,當年演出《長城》時,心情很激動,最深刻那段歌詞是「蒙着眼睛,再見往昔景仰的那樣一道疤痕,留在地殼頭上」,他說:「中國有好悠長嘅歷史,長城亦都好宏偉,但歷史上有好大嘅疤痕,為咗滿足某啲人嘅個人慾望,死咗好多人,呢段歌詞我好記得。」

願流亡民運人士可回國

對他來說,六四就是那個永遠不能磨滅的疤痕,「呢件事根深蒂固,永遠都唔會忘記,亦都唔會原諒,中國政府需要真真正正面對,係咪要等到王丹、吾爾開希客死異鄉當作冇件事?呢件事會一代傳一代,希望佢哋唔好掩耳盜鈴。」

他相信六四始終會平反,「每年都會咁諗,香港年年都有燭光集會,咁大個國家,唔但求你一朝一夕改變到,但係 20年真係頗長。」他認為現在的領導人應較以前的開明,「要進步,就要認錯,但要佢哋面對呢件事唔係咁容易。但都至少畀佢哋(流亡民運人士)回國,同埋畀啲父母拜祭吓親生骨肉。」

不少網民均指紀念 Beyond成立 20周年的歌曲《抗戰二十年》非常應景, Beyond曾在 2003年北京演唱會表演這首歌,結果字幕被中央電台「惡搞」,「抗戰二十年」改為「看這二十年」,「活着必須革命」變了「活着必須努力」,家強說此曲不是為六四而寫,忽然「應景」,始料不及。

27aa1p1a

VN:F [1.8.6_1065]
0
Rating: 0.0/10 (0 votes cast)
VN:F [1.8.6_1065]
Rating: 0 (from 0 votes)

Popularity: 7% [?]

Tags: ,

Digg this!Add to del.icio.us!Stumble this!Add to Techorati!Share on Facebook!Seed Newsvine!Reddit!Add to Yahoo!

Leave a Reply:

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

  Copyright © 2000-2016 香港只有一個二樓後座, All rights reserved.| Powered by BEYONDMUSIC| ZUGARCUBE by CAROLINE MAK