ankara escort porno izle ankara escort ankara escort ankara escort ankara escort ankara escort ankara escort
Home » Paul Wong 黃貫中, Wong Ka Keung 黃家強

戰勝黃.賭.毒.Beyond Rock鬥士

Written By: Caroline on 五月 31, 2009 No Comment

31ed2p1少說都 16年前,黃家駒以沙啞激昂的歌聲率領 Beyond高唱「一起高呼 rock and roll!」青春無悔誓死效忠樂與怒。雖然有人將 rock友標籤成 drugs& sex的壞孩子,但春去秋來 Beyond組隊 26載,黃家強和黃貫中( Paul)冇穿冇爛依然故我,無聲歲月見證了他們對音樂的堅持、率性與敢言。要評樂壇,兩子大大聲聲:「香港冇樂壇,得娛樂圈。」論娛圈:「藝人=偽人。」提淫照:「燒 毁生命。」講吸毒:「長期病患者。」偶像未必純情, band友未必頹廢, Paul和家強窮一生奮戰成 rock之路,搖滾夢未完, 7月紅館再見理想。

當 Laughing哥衰衰格格說:「上帝要你滅亡,必先令你瘋狂!」又或柴九豪情高叫:「人生有幾多個 10年!」的時候,不如讓時光倒流十幾廿年前,當時 30歲未夠的黃家駒一錘定音:「香港只有娛樂圈,冇樂壇!」從此金句流芳百世。雖然家駒遙在天國,眨眼間下月 30日又是他逝世 16周年紀念,但其胞弟黃家強和拍檔黃貫中的音樂、理想甚至批判作風,還是與他一脈相連。

「香港邊有樂壇?」

「樂壇充斥混蛋、臭肉。」 Paul講過。眼前他和家強並排而坐再論樂壇, Paul只說:「都係咁上下啦。」家強覺得好了一點,因為多了創作歌手,他說:「多咗歌手寫歌已經係小進步,起碼歌手代表香港,淨係識唱乜都唔識嘅呢,會俾人睇小囉。」識唱還好,唔識都大有人在。傅穎現場唱《花吃了這女孩》叫人毛骨悚然,家強大笑:「嗰啲算啦。」 Paul也笑:「當係市場商品嚟做會冇咁傷心、冇咁悲觀嘅,雖然佢唱歌可能令我哋笑,但支持佢嘅歌迷『笑乜呀你哋?』佢鍾意唱,你鍾意聽咪得囉,唔好上心。」

歌手唱歌走音、吸毒、拍淫照,近年樂壇嚇死人, Paul也引用家駒金句:「香港邊有樂壇?娛樂圈係咁㗎啦!但樂壇唔係咁,如果樂壇咁烏煙瘴氣……我講玩音樂嘅人呀吓,呢啲全部做齊嘅話,我相信唔會玩得好耐,有可能好紅,我唔知,等於一支蠟燭點晒兩邊,一定燒得好勁,係好 feel,但將生命一次過燒晒。」娛樂圈都死啦,藝人斷正才會認大話西遊,「『偽』人吖嘛,企人邊個偽呀。」家強說。

有人以為偶像真純情,有人又覺得 band仔生活胡混, Paul一言概之:「係, Sex& Drugs and Rock& Roll吖嘛。」偏偏 Beyond與黃賭毒絕緣,家強說得理直氣壯:「將壞嘅標榜我哋身上唔啱!我哋啲 band仔終於平反番,你睇我哋幾健康,面色紅潤。」但 Paul直言確有吸毒音樂人在身邊:「唔只音樂人,係周圍都遇到,但點解要試?天下間冇嘢 high得過音樂,要靠藥物先達到你喜歡嘅境界,即係變成長期病患者,我覺得幾坎坷。」

衞詩自稱做公眾人物壓力大,所以吸毒減壓, Paul並不認同:「我唔認為淨係做公眾人物壓力大,大家只要有工作都壓力大㗎。」家強更抵死說:「冇嘢做都壓力大㗎。」 Paul續說:「我無時無刻都有壓力,我咪要不停咁食?食都食窮你啦!我唔係扮高尚,但唔好嘥錢啦,你諗吓幾恐怖,戒唔到。」虛榮或令藝人更難戒甩, Paul笑道:「呢樣個癮可能仲大。」

世榮撞期冇得唱

家強謂:「可能同我哋玩音樂嘅人唔同,我哋當初嘅目標係一心玩音樂,表達自己嘅意見,開心㗎,反而後期唱片賣得好咗嘅時候,發揮能力仲低咗,冇咗真係鍾意做嘅嘢,有啲失咗方向,其實仲唔開心,要喺商業、普及同音樂上,平衡自己嘅心理狀況,我哋唔緊張有幾紅,但唔紅又冇得繼續行,但又好想做自己嘅音樂,呢個位仲難調節過佢哋一味乜都做、你畀我紅就得,我哋唔係咁,對音樂仲有堅持。」

Beyond三缺一獨欠葉世榮, Paul和家強繼續不 Rock無歸,將於 7月 24日至 26日舉行 3場「 This is Rock& Roll Live in Hong Kong 2009」,家強說:「其實主要係表白我哋個人發展後嘅音樂同以前音樂嘅比較,呈現我哋嘅演變過程,但歸根究柢都係玩緊搖滾樂,無奈阿榮工作撞晒期,所以參與唔到。」
不和真相 倪震搞事

黃家強和 Paul曾鬧不和,今次兩子面對面一筆清。其實事緣 05年 Beyond開騷,大家因歌曲分歧,又遇上中間人傳錯話才發生誤會,後來有周刊拍到 Paul和朱茵去泰國旅行,家強被指為爆老友行蹤的二五仔,令不和升級。 Paul今回說得明明白白:「成單嘢晒頭,開始已經失控,掹埋唔關事嘅人入嚟,但我完全冇嘢喎。」

家強叫 Paul開騷求婚

家強篤出實情是倪震搞事,原因是倪震指 Paul為尊重女友信仰而禁慾,家強說:「係倪震撩出嚟先㗎,我啱啱出番碟都唔知乜嘢情況,啲記者撩我,我就失咗策俾人玩鑊甘,走嚟問我禁慾事件,我話『你問嚟多餘嘅,如果咁講阿 Paul係處男囉。』講笑咋,點知炒到好似我攻擊人,其實都唔知發生乜事。」話時話,倪震有冇媾過朱茵? Paul說:「唔會!」

Paul和朱茵拍拖十載,但他對婚事仍耍太極:「隨緣啦,又可以好即興,好難講。我係鍾意細路,但仲未有打算。」家強勁撥大葵扇:「我覺得開心㗎,係另一個階段嘅人生。不過兩方面嘅,要睇埋女友,我覺得佢未求婚。」 Paul竟然耳仔紅,家強獻屎橋說:「你留番演唱會求婚啦!」 Paul說:「唔好啦!」
今年雙春兼閏月,成村人爭住辦喜事, Paul卻說:「唔可以趁墟,我相信都會有咁嘅一日(結婚)。結婚只係人生一部份,兩個人相處你唔好以為一諗住結就一了百了,要維繫、生育,需要嘅技巧唔簡單。」
家強也正經說:「男人責任大好多,我估佢唔結婚嘅原因係想保持 young嘅感覺,一結咗婚做咗爸爸,唔到你扮細路,包袱擺喺膊頭度,所有嘢都唔同晒。」 Paul笑說:「我仲係單身!」家強又謂:「我覺得佢會失驚無神公告天下,註咗冊先話畀你聽,有 plan更加揦手唔成勢。」 Paul舉腳贊成:「我哋已經有好多 schedule喺身,再加人生 schedule仲大壓力,家大家唔係一齊住,有時睇場戲,約約吓、媾媾吓,都幾過癮嘅。」

31ed2p1

31ed2p2

31ed2p3

31ed2p5

VN:F [1.8.6_1065]
0
Rating: 10.0/10 (1 vote cast)
VN:F [1.8.6_1065]
Rating: 0 (from 0 votes)
戰勝黃.賭.毒.Beyond Rock鬥士10.0101

Popularity: 13% [?]

Tags: ,

Digg this!Add to del.icio.us!Stumble this!Add to Techorati!Share on Facebook!Seed Newsvine!Reddit!Add to Yahoo!

Leave a Reply:

XHTML: You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

  Copyright © 2000-2016 香港只有一個二樓後座, All rights reserved.| Powered by BEYONDMUSIC| ZUGARCUBE by CAROLINE MAK