面 對 四 萬 幾 觀 眾 ， Beyond 愈 玩 愈 high ， 世 榮 鼓 仲 愈 打 愈 快 ， 事 後 阿 Paul 同 家 強 一 齊 投 訴 ， 跟 住 佢 節 拍 唱 《 我 是 憤 怒 》 時 ， 唱 到 幾 乎 斷 氣 。 （ 《 蘋 果 日 報 》 圖 片 ）

有 十 五 年 冇 去 過 北 京 開 騷 Beyond ， 為 同 歌 迷 見 面 ， Beyond 三 子 忍 口 唔 鬧 政 府 ， 阿 Paul 又 低 調 參 與 七 一 遊 行 ， 目 的 都 係 想 開 得 成 騷 。

終 於 上 個 禮 拜 六 （ 八 月 廿 三 日 ） 北 京 工 人 體 育 場 順 利 舉 行 佢 第 一 場 國 內 巡 迴 演 唱 。 話 就 話 Beyond 事 前 準 備 十 足 ， 但 一 到 講 國 語 ， 就 亂 晒 龍 。
最 好 笑 係 阿 Paul 唱 完 歌 《 情 人 》 後 ， 佢 就 同 台 下 觀 眾 話 ： 「 祝 大 家 『 擺 頭 到 老 』 ！ 」

聽 Rock 歌 聽 到 老 ， 個 頭 跟 住 節 奏 擺 到 老 ， 雖 然 講 得 通 ， 但 明 顯 阿 Paul 係 想 講 「 白 頭 到 老 」 ， 擺 同 白 普 通 話 併 音 雖 然 都 係 「 bai 」 ， 但 「 擺 」 係 讀 第 三 聲 ， 而 「 白 」 係 讀 第 二 聲 ， 所 以 阿 Paul 講 完 之 後 ， 台 下 好 多 觀 眾 都 晒 頭 ， 唔 知 佢 講 乜 。 ！ 平 日 又 唔 自 我 增 值 學 國 語 ， 多 睇 利 嘉 兒 《 暢 談 普 通 話 》 學 番 兩 招 啦 ！

露 毛 歌 迷 由 於 大 會 禁 售 Beyond 海 報 同 T 恤 ， 眾 歌 迷 唯 有 自 製 橫 額 。 呢 位 四 眼 露 加 拿 大 毛 肥 仔 歌 迷 ， 不 停 高 舉 DIY T 恤 ， 仲 晒 埋 Beyond 三 子 親 筆 簽 名 演 唱 會 門 票 出 ， 有 歌 迷 出 到 五 千 蚊 人 民 幣 求 售 ， 佢 都 話 唔 賣 。